Біздің ПД2-19Р тобының студенті Лесбекова Асель Елбасы медалін алды! Жеңімпаздарға бағалы марапатты әкім Бақытжан Сағынтаев табыстады!
«Елбасы» медалі - бұл жастардың жан-жақты дамуына бағытталған жалғыз ұлттық деңгейдегі бағдарлама. Ол міндетті апталық есеппен 5 түрлі бағыттан тұрады.
Бастапқыда бүкіл Республика бойынша 11 мың адам тіркеліп, мың адам ғана соңына жете алды . Алматыда қатысуға 571 адам өтініш білдірді, оның ішінде 90 адам финалға өтті. Елбасының медалі «Алтын белгіге» тең. Оның онына Алматы қаласының әкімі медальдар табыс етті.
Олардың арасында біздің ЛЕСБЕКОВА ӘСЕЛ бар!
Әсел көптеген Республикалық және Халықаралық турнирлер мен қыздар арасындағы шахмат чемпионаттарының қатысушысы және жеңімпазы. Әсел жедел шахматтан (рапидтен) «18 жасқа дейінгі» санаттағы Қазақстан Республикасының чемпионы, сонымен қатар классикалық және «найзағай шахматы» (блиц) санатынан екінші жүлдені иеленді, осыған байланысты ол Азия чемпионатында Республикамыздың атынан қатысу құқығын жеңіп алды.
Тамыз айында Әсел Вебстер университеті ұйымдастырған американдық турнирге қатысып, оқу грантын жеңіп алды. Ол сондай-ақ Әзірбайжанда өткен екі халықаралық турнирге қатысып, үшінші және бірінші орындарды иеленді.
Жақында Әсел Американдық Халықаралық Онлайн Турнирде, Susan Polgar Foundation World Open Online сайысында бақ сынасты.
Міне, осындай өсіп келе жатқан жұлдыз біздің колледжде оқиды!
Біз Әсел үшін өте қуаныштымыз, біз оны мақтан тұтамыз және оған алдағы уақытта да жаңа жетістіктер мен жаңа шыңдарды бағындыруды тілейміз !!!
