Алматы қаласының Инновациялық техникалық колледжінде 1-курс студенттерінің ата-аналарына арналған жиналыс өтті.
Кездесу бірінші курс студенттерінің жаңа білім беру ортасына бейімделуіндегі маңызды кезеңдердің бірі болды. Ата-аналарға оқу процесінің ұйымдастырылуы, колледждің ішкі тәртібі, сабаққа қатысу, оқу үлгерімі және тәрбие жұмыстары туралы ақпарат берілді.
Кездесу барысында колледж бен отбасы арасындағы өзара ынтымақтастыққа ерекше көңіл бөлінді. Себебі ата-аналардың қолдауы мен педагогтермен бірлескен жұмысы студенттердің жаңа ортаға сәтті бейімделуіне, қабілеттерін ашуына және кәсіби болашағына сенімді қадам жасауына ықпал етеді.